З мэтай стварэння ўмоў для пазнавальнага, маўленчага і мастацка-эстэтычнага развіцця дзяцей, а таксама для ажыццяўлення пераемнасці паміж дашкольнай і першай ступенню агульнай сярэдняй адукацыі 20 мая ў музычнай зале ДУА "Лошніцкі яслі-сад Барысаўскага раёна" адбыўся фестываль чытальнікаў "Мовы роднай напевы".
Удзельнікамі фестывалю чытальнікаў у гэтым годзе сталі выхаванцы сярэдняй групы "Рамонак", старшых груп "Званочак", "Васілёк", вучні 1 класаў Лошніцкай гімназіі і Лошніцкая сярэдняй школы.
Удзельнікі самастойна разам с педагогамі выбіралі сабе вершы для дэкламацыі. Тэматыка твораў - вельмі разнастайная. Гэта і вершы пра прыроду, пра сям'ю, сяброў, школу, жартоўныя вершы, і нават байка. Больш за 20 вершаў выразна прачыталі ўдзельнікі.
Фестываль дазволіў праявіць удзельнікам навыкі выразнага чытання, артыстычныя уменні; спрыяў выхаванню станоўчых эмацыйных адносіны да літаратурных паэтычных твораў на роднай мове, выхоўваў пачуцці любові да роднага краю і гонару за яго.
Напрыканцы фестывалю ўсе ўдзельнікі былі ўзнагароджаны дыпломамі. ДУА "Лошніцкі яслі-сад Барысаўскага раёна" выказвае падзяку ўдзельнікам, бацькам і педагогам за якасную падрыхтоўку да фестывалю.